kaampaanii Inshuraansii Oromiyaa W.A

        ኦሮሚያ ኢንሹራንስ ኩባንያ አ.ማ

                Oromia Insurance Company S.C

 

የባለአክሲዮኖች 8ኛ መደበኛ ጠቅላላ ጉባዔ

የስብሰባ ጥሪ

የኦሮሚያ ኢንሹራንስ ኩባንያ አ.ማ የባለአክሲዮኖች 8ኛ መደበኛ ጠቅላላ ጉባዔ በንግድ ሕግ አንቀጽ 418 እና 419 ፣ እንዲሁም በኩባንያው የመተዳደሪያ ደንብ (እንደተሻሻለው) አንቀጽ 7.3 (ሐ) መሠረት ሕዳር 23 ቀን 2010 ዓ.ም ከጧቱ 2፡00 ሰዓት ጀምሮ በአዲስ አበባ ሂልተን ሆቴል የስብሰባ አዳራሽ ይካሄዳል ፡፡ ስለሆነም የኩባንያው ባለአክሲዮኖች በአካል ወይም በሕጋዊ ተወካዮቻችሁ አማካይነት በተጠቀሰው ቀንና ሰዓት  በጉባዔው ላይ እንድትገኙ የዳይሬክተሮች ቦርድ በአክብሮት ጥሪውን ያስተላልፋል፡፡

የባለአክሲዮኖች 8ኛ መደበኛ ጠቅላላ ጉባዔ አጀንዳዎች፡-

1.  የጉባዔውን አጀንዳዎች ማጽደቅ፤

2.  የአክሲዮን ግዥና ዝውውሮችን ማሳወቅ፤

3.  እ.ኤ.አ. የ2016/2017 በጀት ዓመት የዳይሬክተሮች ቦርድ ሪፖርትን መስማት፤

4.  እ.ኤ.አ. የ2016/2017 በጀት ዓመት የኩባንያውን የውጭ ኦዲተሮች ሪፖርት መስማት፤

5.  በተራ ቁጥር 3 እና 4 በቀረቡት ሪፖርቶች ላይ ተወያይቶ ማጽደቅ፤

6.  ኩባንያው እ.ኤ.አ. በ2016/2017 በጀት ዓመት በአስመዘገበው ትርፍ አደላደልና አከፋፈል ላይ የቀረበውን የውሣኔ ሃሣብ ተወያይቶ ማጽደቅ፤

7.  የዳይሬክተሮች አስመራጭ ኮሚቴ ሪፖርትን መስማት እና የዳይሬክተሮች ቦርድ አባላት ምርጫን ማከናወን፤

8.  የጉባዔውን ቃለ ጉባዔ ማጽደቅ፤

ማሳሰቢያ፡-

§  በጉባዔው ላይ በአካል መገኘት የማትችሉ ባለአክሲዮኖች ጉባዔው ከሚካሄድበት ከሦስት የሥራ ቀናት በፊት ለዚሁ ዓላማ የተዘጋጀውን የውክልና (Proxy) ቅጽ ሸዋ ዳቦ ፊት ለፊት ፣ ኦሮሚያ ኢንተርናሽናል ባንክ ሕንፃ 7ኛ ፎቅ ላይ በሚገኘው የኩባንያው ዋና መ/ቤት በመገኘት የውክልና (Proxy) ቅጽ በመሙላት ወይም ውል ለማዋዋል ሥልጣን በተሰጠው አካል የተረጋገጠ በጉባዔው ላይ ለመሳተፍ የሚያስችል የውክልና ሰነድ ዋናውንና አንድ ቅጂ በጉባዔው ዕለት በማቅረብ በጉባዔው መካፈል የምትችሉ መሆኑን እናሳውቃለን፡፡

§  በጉባዔው ላይ በአካል የምትገኙም ሆነ በኩባንያው ቀርባችሁ ውክልና (Proxy) የምትሰጡ ባለአክሲዮኖች የኢትዮጵያ ዜጋ መሆናችሁን የሚያረጋግጥ የታደሰ ሕጋዊ መታወቂያ ወይም ፓስፖርት ወይም የመንጃ ፈቃድ ይዛችሁ እንድትቀርቡ፤ እንዲሁም ሕጋዊ ውክልና ይዛችሁ የምትቀርቡ ተወካዮች የወካያችሁን ማንነት የሚያረጋግጥ የታደሰ መታወቂያ ወይም ፓስፖርት ወይም የመንጃ ፈቃድ እንድታቀርቡ እናሳስባለን፡፡

ለበለጠ መረጃ ፡-በስልክ ቁጥር 0115 588122 ይደውሉ !

የኦሮሚያ ኢንሹራንስ ኩባንያ አ.ማ

የዳይሬክተሮች አስመራጭ ኮሚቴ