Kaampaanii Inshuraansii Oromiyaa W.A.

ኦሮሚያ ኢንሹራንስ ኩባንያ አ.ማ

Oromia Insurance Company S.C

የጨረታ ማስታወቂያ

 ኩባንያችን የሙሉ ውድመት ካሣ ክፍያ ፈጽሞ የተረከባቸውን ተሽከርካሪዎችን ፣ የተሽከርካሪ አካላት እና ሌሎች ቁሳቁሶችን ባሉበት ሁኔታ በጨረታ አወዳድሮ ጥቅምት 14 ቀን 2013 ዓ.ም ለመሸጥ ይፈልጋል፡፡

 በጨረታው መሳተፍ የሚፈልግ ማንኛውም ተጫራች ተሽከርካሪዎቹ በሚገኙበት የቃሊቲ መናኸሪያ ለመድረስ 100 ሜትር ሲቀረው ሸዋ ዳቦ ጀርባ ቃሊቲ የእንስሳት መኖ ድርጅት ዝቅ ብሎ ሰለሞን ብሎኬት ማምረቻ አጠገብ በሚገኘው የኩባንያችን ሪከቨሪ ውስጥ እና ከሳሪስ ወደ ቃሊቲ በሚወስደው መንገድ ከኢትዮጵያ ንግድ ባንክ ንፋስ ስልክ ቅርንጫፍ ትንሽ ወረድ ብሎ ሸገር እንጨት ሥራ ፋብሪካ ቁጥር 2 እና ቪኒየር ማምረቻ ግቢ ውስጥ በሚገኘው የኩባንያችን ሪከቨሪ ቅጥር ግቢ ውስጥ ከጥቅምት 09 ቀን 2013 ዓ.ም ጀምሮ ዘወትር በስራ ሰዓት እስከ ጥቅምት 13 ቀን 2013 ዓ.ም በመመልከት የሚጫረቱበትን የጨረታ ሰነድ የማይመለስ ብር 50.00 በመክፈል እስከ ጨረታ ሰነድ ማስገቢያ ጥቅምት 12 እና 13 ቀን 2013 ዓ.ም ቦሌ ኦሎምፒያ ሸዋ ዳቦ ፊት ለፊት የኦሮሚያ ኢንተርናሽናል ባንክ አ.ማ ህንፃ 6ኛ ፎቅ ላይ የሚገኘው ከዋናው መ/ቤታችን በመግዛት ሰነዱን በሰም በታሸገ ኢንቨሎፕ በማሸግ የሕንፃው ምድር ቤት በሚገኘው የኩባንያችን ካሣ ክፍል ለዚሁ በተዘጋጀው የጨረታ ሳጥን ውስጥ ጥቅምት 12 እና 13 ቀን 2013 ዓ.ም እስከ 11፡00 ሰዓት ገቢ በማድረግ መጫረት የምትችሉ መሆኑን እንገልጻለን፡፡

 መሳሰቢያ፡-

 -    ትላልቅ ተሽከርካሪዎች እና ቁሳቁስ ዕቃዎች የሚገኙበት ቃሊቲ ሠለሞን ብሎኬት ማምረቻ አጠገብ የሚገኘው የኩባንያችን ሪከቨሪ ውስጥ ሲሆን ትናንሽ ተሽከርካሪዎች ደግሞ ሳሪስ ሸገር እንጨት ሥራ ፋብሪካ ግቢ ውስጥ መሆናቸውን እናሳውቃለን፡፡

 -    ጨረታው በኩባንያው ዋና መ/ቤት የኦሮሚያ ኢንተርናሽናል ባንክ አ.ማ ሕንፃ 7ኛ ፎቅ በሚገኘው የኩባንያው የዳይሬክተሮች የቦርድ መሰብሰቢያ አዳራሽ ቅዳሜ ጥቅምት 14 ቀን 2013 ዓ.ም ከጠዋቱ 3፡00 ሰዓት የውስጥ ኦድት አገልግሎት በተገኙበት የሚከፈት ሲሆን፣ ነገር ግን የኮቪድ -19 ቫይረስ ሥርጭትን ለመከላከል ሲባል ተጫራቾች ወይም ሕጋዊ ወኪሎቻቸው ባልተገኙበት ጨረታው እንደሚከፈት እናሳስባለን፡፡

 -    ተጫራቾች በሚያቀርቡት ዋጋ ላይ ተንተርሶ ዋጋ  መስጠት የተከለከለ ነው፡፡

 -    ተጫራቾች ለተሽከርካሪ የሚጫረቱ ከሆነ ለእያንዳንዱ ተሽከርካሪ የጨረታውን መነሻ ዋጋ 15% በባንክ ክፍያ ማስያዣ (CPO) በታሸገ ኢንቨሎፕ ከነዋጋው ማስገባት የሚጠበቅባቸው ሲሆን ነገር ግን የተሽከርካሪ አካላት የሚጫረቱ ከሆነ የጨረታ መነሻ ዋጋቸውን መሠረት በማድረግ ኩባንያችን ባስቀመጠው ዝርዝር መሠረት   የጨረታ ማስከበሪያ (CPO) ማስያዝ ይኖርባቸዋል፡፡

 -    ከቀረጥ ነፃ ከሆኑ ተሽከርካሪዎች በስተቀር ለሌሎች ተሽከርካሪዎች ከጨረታው በፊት ዕዳዎች ቢኖሩ በኩባንያው ይሸፈናሉ፡፡ ሆኖም ግን ከጨረታ በኋላ ያሉትን ማንኛውንም ወጪዎች በሙሉ ገዢው ይሸፍናል፡፡

 -    የጨረታ አሸናፊዎች ያሸነፉበት ዋጋ ላይ ተጨማሪ እሴት ታክስ (VAT) 15% (አስራ አምስት በመቶ) በተጨማሪ ይከፍላሉ፡፡

 -    አሸናፊዎች የጨረታው ውጤት የኩባንያው የማስታወቂያ ቦርድ እና ድረ ገጽ ላይ የሚገለጽ ሲሆን፣ ውጤቱ ከተገለፀበት ቀን ጀምሮ እስከ አስራ አምስት (15) ቀናት ውስጥ ድረስ አሸናፊዎች ክፍያ ፈጽመው ንብረቶቹን ካልተረከቡ ጨረታው ተሰርዞ ለጨረታው ማስከበሪያ ያስያዙት ገንዘብ ለኩባንያው ገቢ ይደረጋል፡፡

 -    የተለያዩ የተሽከርካሪ አካላት እና ቁሳቁሶችን የሚጫረቱ እና አሸናፊ የሚሆኑ በምድብ የተቀመጡትን ዕቃዎች ከኩባንያው ግቢ ውስጥ ሙሉ በሙሉ ወጪ የማድረግ ግዴታ አለባቸው ፡፡

 -    ኩባንያው የተሻለ መንገድ ካገኘ ጨረታውን በሙሉም ሆነ በከፊል የመሰረዝ መብቱ የተጠበቀ ነው፡፡

 -    ለተጨማሪ መረጃ በስልክ ቁጥር 09 11 68 73 41ወይም 0115-57-21-48 በመደወል ማነጋገር ይችላሉ፡፡

 ኦሮሚያ ኢንሹራንስ ኩባንያ አ.ማ

 ዋና መ/ቤት

 ቦሌ ኦሎምፒያ አካባቢ፣ ሸዋ ዳቦ ፊት ለፊት፣

 ኦሮሚያ ኢንተርናሽናል ባንክ ሕንፃ ምድር ፣ 6ኛ እና 7ኛ ፎቅ